Psa 149 | WNC | STEP | Buyambam tapatane umana yatangenatnong. Ginda ie kau kayuk taknga aknga tainong. Taike amin asingganu unin tawakaing aminun, ginda itane umana gaak inikaing tapduk komune initangenatnong.

Psalms 149

1 Buyambam tapatane umana yatangenatnong.
Ginda ie kau kayuk taknga aknga tainong.
Taike amin asingganu unin tawakaing aminun, ginda itane umana gaak inikaing tapduk komune initangenatnong.
2 Ginu Isrel nana amin, ginu musip gwaangu Anututa gin pasikutde natangamunong.
Ginu Saion nana amin, ginda king kapasae apbaknganong.
3 Ginda ataibakngake umana yatangenatnong.
Ginda wakum gatu garamut gatu gita ngang zipmake itane umana yatangenatnong.
4 Dasingge, Buyambam tapata aminabamde take siknga nataak. Natake aminu inae natapan kopsa dua siwan yuaingu ita ayapangenakgak.
Pangenawan ita amak ba tasikengu ita iwana ayapbikaing.
5 Anututane aminabamda gwa yapbikengu apbakngakaing.
Unzingge dapuna petnangge natake gwa yukengu kau apbakngananga taknga aknga take taining.
6 Ita take ainggamatake Anutue inimbakngake
gwauyana gena toknga akwau katakngata panggaganutning.
7 Panggaganuke dongu kunduat amau tasike
gatukande pasiwan maining.
8 Pasiwan maiwan ita kingaat gatu tupan aminu panggaganuke
senu ainda tasiyata wamapening.
9 Siwan ita aminu waakwau tokngabam yamuning. Unzing Anututa gwa yakut. Sike Anututane aminabamdanu iwana ina unzakan yapbitakakopning.
Buyambam tapatane umana initangenatnong.